स्वर्गदुतहरु रमाहटले एकसाथ गाएको रात !

धन्य होस् त्यो रात !

एउटा बालकको जन्म भयो भनी भनिएको रात !

गाईको गोठमा– 

एउटा बालक प्रथम आवाजमा रोएको रात !

इश्वरले मानिसको चोला लिएर धर्तीमा पाइला टेकेको रात !

परमेश्वरसँग एउटा सपना थियो,

तर सपना टुटेको थियो–

अदनको बगैँचामा ।

त्यसैले,

उनी जन्मिनैपथ्र्यो,

त्यो टुक्रिएको सपनालाई जोड्न ।

आफ्नो हातको उत्तम सीपलाई–

परमेश्वर यत्तिकै नष्ट हुन किन दिनुहुन्थ्यो र !

आफ्नै हातले कुँदेको त्यो आफ्नै स्वरुपलाई 

हाँसोको पात्र बन्न किन दिनुहुन्थ्यो र !

आदमको नाकमा फुकिएको जीवनको सासको केही मूल्य छैन र ?

अवश्य छ,

यसैले परमेश्वरले–

आफ्नो असीम प्रेमको फुहारालाई किन रोक्नुहुन्थ्यो र !

त्यसैले उनी जन्मिनैपथ्र्यो,

त्यो टुक्रिएको सपनालाई जोड्न

पापको शर्मले झुकेको मुहारलाई परमेश्वरतर्फ मोड्न

परमेश्वर र मानव बीच फाटेको धाँदोमा उभिन

उनी स्त्रीको सन्तान भएर जन्मिनैपथ्र्यो–

सर्पको टाउको किच्याउन,

अनि खोस्न, जुन उसले लगेको थियो । 

धन्य होस् त्यो शान्तमय रात !

मरियमले प्रथम प्रसववेदना सहेकी त्यो रात !

प्रसववेदनाको अन्त्यसँगै–

येशू जन्मिएको रात !

परमेश्वर झुट किन बोल्नुहुन्थ्यो र !

यसैले धन्य होस्,

परमेश्वरको प्रतिज्ञा पूरा भएको त्यो रात !

येशू गर्भैमा हुँदा, 

गर्भवती कन्या मरियम–

संसारले गर्ने घृणा र हेलाको केही वास्तै गरिनन्,

तर परमेश्वरको स्तुती गाइन्,

आज म पनि त्यसै गर्छु ।

पूर्वमा चम्किलो तारा उदायो,

ज्योतिषीहरुलाई गोठसम्म डो¥यायो,

जहाँ मुक्तिदाता येशू जन्मेका थिए,

जहाँ गोठालाहरुले बालक येशूको दर्शन गरे ।

आज रमाउँछु यो खुशीको दिनमा,

परमप्रभुको स्तुती गर्छु–

मरियमले झैँ,

गोठालाहरुले झैँ,

अनि वृद्ध शिमियोनले झैँ ।

जुन जन्मको खुशीयालीमा

स्वर्गदुतहरु रमाहटले एकसाथ गाए । 

धन्य होस् त्यो रात !

एउटा बालकको जन्म भयो भनी भनिएको रात !

इम्मानुयल जन्मिएको रात !

शान्तिका राजकुमारले धर्तीमा पाइला टेकेको रात !


----------0-----------

Tweet

Leave Your Comments Here!